Մարիամ Ալեքսանյանի անակնկալ նշանադրությունը տարեդարձի օրը

Մարիամ Ալեքսանյանը հունիսի 8-ին դարձել է 22 տարեկան: Օրը դերասանուհու համար նշանավորվել է անակնկալ իրադարձություններով: Նրա տարեդարձի խնջույքին ներկա է եղել նաեւ BRAVO.am-ը եւ ականատես եղել, թե ինչպես է սիրելին՝ դերասան Գոռ Համբարձումյանը, ամուսնության առաջարկություն անում:

«Երբեւէ այսպիսի ծնունդ չեմ ունեցել, իմ կյանքի 22-րդ տարին միշտ հիշելու եմ, միշտ, միշտ: Առհասարակ համեստ ծնունդների կողմնակից եմ, ճոխություններ չեմ սիրում»,-ասել է հոբելյարը:

Մարիամ Ալեքսանյանը եւ Գոռ Համբարձումյանը


Պարզվում է՝ տարեդարձի օրը Գոռը խնդրել է Մարիամին պատրաստվել, որպեսզի միասին ընթրելու գնան: «Աչքերս փակել էր, եւ բացարձակ չգիտեի, թե ուր ենք գնում: Երբ սրահ մտանք, եւ տեսա հյուրերին, իմ ընկերներին, աչքերիս չէի հավատում, միայն գոռում էի: Քանի որ կեսգիշերին ընկերներս եկել էին շնորհավորելու, իսկ Գոռը խնդրել էր՝ այս տարեդարձս երկուսով նշենք, բացարձակ չէի մտածել, որ հնարավոր է՝ խնջույք նախաձեռնած լինի: Գիտեի՝ անակնկալ կանի, բայց որ այսպիսի, չէի էլ կարող ենթադրել»,-պատմել է Մարիամը:



Նրան նաեւ մեկ այլ հանգամանք է հուզել.«Երեկույթին ներկա էին մարդիկ, որոնց հետ ուղիղ մեկ տարի առաջ ես վիճել էի, չէինք խոսում՝ մեր կուրսի Ռուզաննան, Աննաները, իսկ այսօր նրանք իմ մտերիմ մարդիկ են: Երբեք չէի մտածի, որ իրար անծանոթ ընկերներս մեկ օրում մտերիմ կդառնան: Բոլորն ուրախանում էին, պարում, գոռում, իմ օրը տոն դարձնում: Շնորհակալ եմ ընկերներիս, ծնողներիս, Գոռին եւ նրա ծնողներին»:

Մարիամ Ալեքսանյանի 22-ամյակին 


Երեկոյի երկրորդ հատվածում Գոռն ամուսնության առաջարկ է արել սիրելիին.«Դա լրիվ ուրիշ բան էր, հրաշք էր, անիրական… Ընդունել եմ մատանին՝ առանց երկար մտածելու: Ես սիրում եմ, իսկ դա շատ կարեւոր է: Երբ սիրում են, չեն մտածում համաձայնելու մասին, ավելին ասեմ՝ չեմ էլ լսել, որ առաջարկել է ամուսնանալ, ես միայն գոռում էի՝ այո՜: Փաստորեն, Գոռը կազմակերպել էր նաեւ մեր նշանադրությունը: Նա միշտ առանձնահատուկ է եւ տարբերվող նման հարցերում»:

Մարիամ Ալեքսանյանի 22-ամյակին 


Մարիամից հետաքրքրվել ենք՝ արդյոք մատանին իր սրտով է.«Գոռի ճաշակը լավն է, բայց քանի որ ես էգոիստ անձնավորություն եմ, չէի կարողանում մատանուն նայել, վախենում էի չհավանել: Իսկ եթե կատակը մի կողմ` շատ վաղուց ցույց էի տվել, իսկ նա ինչպես միշտ շատ ուշադիր է գտնվել: Շնորհակալ եմ իմ Գոռ, սիրում եմ»:

Մարիամ Ալեքսանյանը եւ Գոռ Համբարձումյանը

Today's most read news !
  • «Սիրում եմ քեզ»․ Լիլուի եւ սիրելիի ջերմ լուսանկարը
  • «Ընտանեկան լուսանկար»․ Իվետա Մուկուչյանը՝ լողազգետով
  • Մայա Պողոսյանի լողազգեստով լուսանկարները՝ Բալիից
  • Ծով, արեւ․ Նաիրա Մովսիսյանը ներկայացել է լողազգեստով
  • Սոս Ջանիբեկյանի եւ դստեր քնքուշ լուսանկարը
  • Լուսիի եւ Արամայիս Հայրապետյանի որդու տիեզերական 1-ամյակը
  • Վերնաշապիկ, ջինսե տաբատ․ Արփի Գաբրիելյանի առօրյա կերպարը
  • Հեղափոխության թավիշն ավարտվեց․ Փաշինյանը նախապատրաստում է վճռական հարվածը
All news
Comments