Ավո Խալաթյան.«Բախտավոր եմ, որ այդ կանայք իմ կողքին են, միեւնույն ժամանակ՝ դժբախտ...»

Փիրուզա Խալաթյանը, Նունե Եսայանը եւ Ավո Խալաթյանը

Գեղեցիկ սեռի տոնական մեկամսյակի շրջանակում BRAVO.am-ը կներկայացնի զրույցներ հայտնի հայ տղամարդկանց հետ, որոնց խնդրել ենք պատմել իրենց կյանքի գլխավոր կանանց մասին: Ավո Խալաթյանը ոչ միայն խոսել է մայրիկի` դերասանուհի Փիրուզա Խալաթյանի մասին, հիշել մանկության տարիների իր չարաճճիությունները, այլեւ ասել է, թե ովքեր են իր կյանքի երեք գլխավոր կանայք:

Համով չարաճճիություններ

Շատ չարաճճի չեմ եղել: Խելացի էի, լսող եւ միայն համով չարաճճիություններ էի անում: Թեեւ ընտանիքում միակ երեխան եմ եղել, բայց հայրս, մայրս այնքան ջերմություն են տվել, որ երբեք միայնության համախտանիշով չեմ տառապել: Իսկ մանկությունս երկու բակում էր անցնում՝ մորական տատիկիս տան եւ մեր տան:

«Մի քանի աշխատավարձի օր լացել եմ»

Հիշում եմ, որ իմ մանկության տարիներին 25 մասանոց մեքենաների հավաքածուներ կային, որ վաճառվում էին «կոմիսիոններում»: Մի քանի աշխատավարձի օր լացել եմ դրա համար, եւ մի լավ օր մայրս գնեց այն ինձ համար: Երբեք ոչնչի պակաս չեմ ունեցել ու միշտ խաղալիքներովս կիսվել եմ ընկերներիս հետ:

«Մայրս շատ կոշտ ասաց ...»

Մի անգամ էլ, երեւի 2-3-րդ դասարանում էի սովորում, մայրիկի հետ փորձի էի գնացել Պատանի հանդիսատեսի թատրոն, Երվանդ Ղազանչյանը բեմադրում էր «Մկների ժողովը» ներկայացումը, որով պետք է հյուրախաղերի մեկնեին Ֆրանսիա: Մի հատված կար, որտեղ դերասանները պետք է մկան ձայն հանեին, սակայն չէին կարողանում: Իսկ ես դահլիճում նստած հետեւում էի ու միեւնույն ժամանակ փորձում էի այդ ձայնը հանել: Երբ պարոն Ղազանչյանը նկատեց, որոշեց ինձ էլ օգտագործել ներկայացման մեջ, այդ ժամանակվանից բախտս բացվեց:): Պետք է մայրիկիս ձագը լինեի, բայց նա շատ չոր ու կոշտ ասաց` եթե չսովորեմ բազմապատկման աղյուսակը, ոչ մի Փարիզ: Այդպես էլ չգնացի: Ճիշտ է՝ այն ժամանակ նեղվել էի, քանի որ ինձ համար տոն էր նույնիսկ Ծաղկաձոր, Սեւան գնալը, բայց հիմա հասկանում եմ, որ այդ տարիքում ոչինչ էլ չէի հասկանա Փարիզից:

«Շատերը կերազեն»

Միշտ պրեմիերաներից, ներկայացումներից հետո, որոնց մայրս ներկա է լինում, սարսափով եմ տուն գնում` մտածելով՝ ինչ կասի սխալներիս համար, քանի որ միշտ ինձ ճիշտ ուղղություն է տալիս, դիպուկ բնորոշում է թերությունները: Աստված տա` նա երկար կյանք ունենա, եւ միշտ լսեմ խորհուրդները: Կարծում եմ՝ շատերը կերազեն իրենց կողքին մայրիկիս նման խորհրդատու ծնող ունենալ, իսկապես հազվադեպ պատահող բան է:

Ավո Խալաթյանի եւ Նունե Եսայանի ընտանիքը


«Իմ կյանքի կանայք»

Իմ կյանքում երեք գլխավոր կին կա` մայրս, կինս եւ, իհարկե, աղջիկս` Էլիզաբեթը: Եթե խոսեմ մայրիկիս եւ Նունեի մասին, բախտավոր եմ, որ այդ երկու կանայք իմ կողքին են, միեւնույն ժամանակ՝ դժբախտ, քանի որ նրանք կարծես մեկը մյուսի փաստաբանը լինեն: Իրարից անկախ` նույն խորհուրդն են տալիս, իսկ երբ միասին են` ես պրծում չունեմ:

«Ի՞նչ կարող եմ ասել…»

Ամբողջ հոգով եւ սրտով շնորհավորում եմ մայրերին, կանանց եւ աղջիկներին: Թող ժպիտը, գեղեցկությունը երբեք չմարի նրանց դեմքից: Ի՞նչ կարող եմ ասել մեզ ստեղծողներին, կյանքի շղթան շարունակողներին, ինչ էլ մաղթես նրանց` քիչ է:

Today's most read news !
  • «Գուցե շատ ռոմանտիկ է անձրեւոտ եղանակը, բայց ես չեմ սիրում անձրեւ». Հմայիչ Սոֆյա Պողոսյանի նոր լուսանկարը
  • Հռիփսիմե Հակոբյանը ներկայացել է հրապուրիչ կերպարում
  • Գոհար Ավետիսյանի ընտանեկան հանգիստը՝ Սեւանում (ֆոտո)
  • Անատի Սաքանյանի նոր հրապուրիչ կերպարը
  • Աննա Գրիգորյանը պարծենում է սլացիկ ոտքերով
  • Թե ինչպես «խեղճ» Քոչարյանը չկարողացավ քվեարկել
  • Թեկնածուները 12-ն են, ընտրությունը ձերն է
  • Հեղափոխությունը հանձնեց ստուգարքը, մնաց քննությունը․․․
All news
Comments